BIOGRAFI JENDERAL ABDUL HARIS NASUTION

 

A. H. Nasution

Abdul Haris Nasution atawa leuwih katelah Jénderal A. H. Nasution nyaéta pahlawan nasional nu dibabarkeun tanggal 3 Désémber 1918 di Désa Hutapungkut, Kacamatan Mandailing, Kotanopan, Tapanuli Kidul, di Sumatra Kalér, ti pasangan H. Abdul Halim Nasution jeung Zahara Lubis. Abdul Haris téh mangrupakeun anak kadua sarta ogé putra pangkolotna di kaluwargana. Bapana nyaéta tukang dagang nu ngajual tékstil, karét jeung kopi. Salian ti dipikawanoh salaku patani anu cukup suksés, bapana ogé dipikawanoh minangka anggota Gerakan Sarekat Islam di Kotanopan, Tapanuli Kidul.

Samasa leutikna, A. H. Nasution akrab disebut “si Ris.” Nasution leutik téh katelah budak nu resep naék tatangkalan jangkung. Mantenna resep pisan kana olahraga, utamana méngbal. Lapang nu dipaké barudak méngbal téh nyaeta sawah urut nu paréna geus dipanén. Bola nu digunakeun ogé asalna tina jeruk bali kusabab can aya bola tina plastik atawa karet kos jaman ayeuna. Salain éta, A. H. Nasution resep maca buku carita sajarah-sajarah perang jeung carita kapahlawanan Nabi Muhammad SAW nu dipikawanoh salaku ahli dina strategi perang.

Masarakat Suku Mandailing

Ti jaman baheula, masarakat Mandailing merhatikeun pisan kana atikan budakna. Maranéhna réla hirup hémat jeung banting tulang sangkan budak lalakina bisa sakola. Di masarakat Mandailing aya hiji paribasa, “Ngan dahar lauk asin jeung sayuran gé baé, asal bisa nyakolakeun budak.” Sakumaha ogé kolot A. H. Nasution nu hayang putrana bisa sakola tur menangkeun hirup layak.

Sakola Dasar HIS (Holandsche Irlandsche School)

Tahun 1925 nalika asup umur sakola, A. H. Nasution sakola di Atikan Dasar HIS (Holandsche Irlandsche School) atawa satara jeung SD. Ceuk masarakat désa mah, nonoman anu bisa sakola di HIS téh dianggap ‘berpendidikan’. Hal éta tangtuna ngajadikeun Nasution reueus. Mantenna sumanget indit ka sakola unggal poé naék délman. Nasution kaasup murid anu rajin diajar. Di SD, Nasution meunangkeun atikan kabangsaan, nyaéta cinta tanah aer kusabab mantenna resep kana palajaran élmu bumi jeung sajarah.

Masa depan A. H. Nasution kungsi jadi bahan perdebatan di kaluwargana. Bapana anu religius tangtuna hayang Nasution asup ka sakola kaagamaan sanggeus mantenna tamat SD. Samentara éta, indungna justru miharep Nasution neruskeun ka sakola umum, anu basa éta disebutna sakola Walanda. Ahirna, dina taun 1932 Nasution ngaréngsékeun sakolana di HIS sarta milih neruskeun ka sakola umum kusabab mantenna katarima jadi murid di sakola HIK “Hollandsche Indische Kweekschool” anu mangrupakeun sakola guru di Bukit Tinggi. Kulawarga Nasution tangtuna reueus, sabab ngan hiji murid ti sajumlah SD di Sumatera jeung Kalimantan anu bisa kapilih sakola didinya.

Sakola HIK "Hollandsche Indische Kweekschool"

Sakola HIK mawa parobahan anu gedè dina hirup A. H. Nasution. Mantenna henteu deui mandi di susukan jeung babaturan leutikna, tapi di jamban. Suku anu biasana tara make nanaon ayeuna mah maké sapatu, dahar maké sendok jeung garpu sarta hirup anu diatur kadisiplinan asrama. Guru anu lolobana asalna ti Walanda ngajadikeun Nasution bisa ngenal cara mikir, watak jeung sifat orang Walanda anu engké bakal disanghareupan dina perang Kamerdekaan Indonesia.

A.H. Nasution di Jaman Bujang

Dina taun 1935, A. H. Nasution indit ka Bandung jang namatkeun sakola guru. Lalampahan sajero opat poé opat peuting mantenna tempuh demi bisa nepi di Palabuhan Tanjung Periok. Di Bandung, mantenna diajar jeung barudak nu jumlahna 25 siswa anu sakabehna asalna ti sakola guru nu geus dibubarkeun. Nasution sosobatan dalit jeung Artiwa, siswa nu asalna ti Madura anu kaluwargana mangrupakeun anggota korps “barisan” pembantu tentara Walanda KNIl. Jeung sahabatna eta, A. H. Nasutuon mineung ngobrol jeung nyaritakeun karesepna kana kahirupan tentara nu pinuh ku kadisiplinan. Taun ganti taun, kahayang Nasution jadi guru mimiti ngurangan kasilih ku kahayangna kana dunya militer nu keur hangkeut ogé sabab kapangaruhan ku Pergerakan Nasional nu beki majeng demi ngacapai Indonesia Merdeka.

A. H. Nasution balayar deui ka Bandung pikeun ngajalankeun atikan di asrama CORO. Nasution leuwih loba interaksi jeung nonoman Walanda anu mangrupakeun mayoritas siswa di dinya. Salila atikan di dunya militer, istilah "Nasution" jadi ngaran mantenna nu dipikawanoh ku loba jalma. Saterusna dina taun 1940, Nasution naek pangkat ti Kadét Taruna jadi Kopral. Kusabab kecerdasan sarta disiplin na, mantenna diangkat jadi Sersan dina taun 1943.

Nalika ngadeukeutan masa kamerdekaan, A. H. Nasution aktip dina gerakan nonoman. Naluri militérna maréntahkeun méh gancang dibentuk hiji badan resmi militér resmi nu dibentuk pikeun jadi tulang tonggong pertahanan jeung kaamanan. Pamaréntah tuluy ngawangun Badan Kaamanan Rahayat (BKR), dimana Nasution diangkat jadi panaséhat BKR Bandung. Hasil tina ngaronjatna BKR, pamaréntah ngawangun TKR (Tentara Kaamanan Rakyat) jeung Jenderal Urip Sumohardjo anu mamgrupkaeun urut perwira KNIL anu diangkat jadi Kapala Staf Panglima TKR. Di Jawa Barat, persiapan TKR dipasrahkeun ka Didi Kartasasmita kalawan Nasution nu dipénta jadi asisten Didi.

Karir militér Nasution terus naék. Dina Maret 1946, mantenna diangkat jadi Panglima Divisi III/Priangan. Dua bulan ti harita, Présidén Soekarno ngalantik Nasution jadi Panglima Divisi Siliwangi sarta jadi salah sahiji pamingpin pasukan nalika kajadian di Madiun.

Kaluwarga A. H. Nasution

A. H. Nasution papanggih cinta sajatina nalika mantenna hobi maen tenis di lapangan tenis Bandung. Nasution bogoh ka hiji awéwé nu ngaranna Johana Sunarti. Sanggeus kawin dina tanggal 30 Méi 1947, pasangan ieu dikaruniai dua putri, nyaéta Hendriyanti Sahara jeung Ade Irma Suryani. 

Dina tanggal 27 Désémber 1949, Walanda ngaku kana kadaulatan Indonésia. A. H. Nasution saterusna diangkat jadi Kepala Staf Angkatan Darat (KSAD) jeung Panglima Angkatan Darat jeung Wilayah Jawa dina mangsa Pamaréntahan Darurat RI (PDRI).

Nalika ngajabat salaku Kapala Staf Angkatan Darat, Nasution babarengan jeung TB Simatupang, Kapala Staf TNI, boga maksud rék nyusun deui struktur organisasi kaanggotaan angkatan bersenjata. Rencana ieu teras nyababkeun perpecahan dina angkatan bersenjata. Nasution jeung Simatupang dirojong ku Perdana Menteri Wilopo jeung Menteri Pertahanan Hamengkubuwono IX. Sedengkeun para penentang restrukturisasi jeung reorganisasi neangan dukungan ti partai oposisi di parlemén.

Ningali hal éta, dina 17 Oktober 1952, Nasution jeung Simatupang tuluy ngagerakkeun tentara pikeun némbongkeun kakuatan, ngalawan campur tangan sipil dina urusan militér sarta ngurilingan Istana Nagara ku mobil lapis baja. Nasution nungtut Présidén Soekarno sagancangna ngabubarkeun Déwan Perwakilan Rakyat Samentara (DPRS) sabab loba politikus anu dianggap ikut campur dina urusan internal Angkatan Darat. Tibatan didéngé, Nasution justru dipecat ti KSAD ku Soekarno.

Operasi Trikora Taun 1961-1962

Dina taun 1955, A. H. Nasution diangkat deui jadi Kepala Staf Angkatan Darat nepi ka taun 1962. Dina periode kaduana jadi Kepala Staf Angkatan Darat, Nasution disibukkeun ku pemberontakan ti wewengkon di Sumatera jeung Sulawesi, anu bisa diréngsékeun ku jalan mulang ka pangkuan Républik. Salian ti éta, manéhna ogé sibuk nyiapkeun Trikora, nyaéta operasi pikeun ngaréngsékeun konflik di wewengkon Papua barat.

Ilustrasi Kajadian Kudeta di Imah A. H. Nasution

Dina Taun 1965, aya kajadian usaha kudéta nu dilakukeun ku Partéy Komunis Indonésia (PKI). Imah Nasution diserang, sarta putrina tiwas, tapi mantenna junun kabur naék témbok jeung nyumput di tempat tinggal duta gedé Irak. Ayeuna, imah penuh kanyamanan anu nyepeng kenangan pait eta parantos diabadikeun janten musium anu masih didatangan ku seueur jalma.

Kapastian pancabutan jabatan Jenderal A. H. Nasution kajadian dina taun 1972 nalika mantenna umur 53 taun. Saprak A. H. Nasution pangsiun sarta kaluar tina sagala tugas resmi Republik Indonésia sarta ABRI, Anjeunna teu pernah lasut dina ngembangkeun kahirupan politik di nagara ieu. Nasution mineng nyumbang pikiran jeung gagasan na teu ilahar ngondang kontrovérsi jeung polemik, kumaha oge sakumaha eta nyebutkeun sagalana keur kamajuan bangsa.

Rupa-rupa landihan dibikeun ku jalma anu mikaresep komitmen jeung inohong na. A. H. Nasution disebut "Bapa Angkatan Darat", "Bapa Dwifungsi ABRI", "Sepuh ABRI", malah saterusna disebut "Jenderal Tanpa Pasukan", "Politisi Tanpa Partai", sarta Nasution ogé dilabélan dissident, nyaeta "Kelompok anu bersebrangan" atawa "Jalma di Luar pager". Malah Nasution sorangan nyebut dirina "Jelema Pinggiran". Hartina, jelema anu geus jauh tina hiruk-pikuk kakawasaan.

Mayor Jenderal Abdul Haris Nasution ahirna maot dina tanggal 6 Séptémber 2000, di Rumah Sakit Angkatan Darat Gatot Subroto, Jakarta dina umur 81 taun. Anjeunna dimakamkeun di Taman Makam Pahlawan Nasional Kalibata, Jakarta.

Berkat jasa jeung perjuanganna, Pahlawan Nasional anu berakhir dina pangkat Jenderal Bintang 5 ieu téh teras diémutan salaku salah sahiji jalma anu paling gedé jasana keur nagara ieu.

A. H. Nasution di Masa Kolot

Kelas : XI-5

Kelompok : 2

Anggota : 

1. Kamaliya Indriwati

2. Shyaila Alishiana Ratu Sabilla

3. Alexandra Marsela

4. Riescha Damayanti

5. Fadil Taufik Yusron

6. Muhammad Miran Zahira